Rumıniyanın paytaxtı Buxarestdə müxalif Rumınların Birləşməsi Alyansı (AUR) partiyasının üzvləri və tərəfdarları prezident seçkilərinin ikinci turunun ləğv edilməsinə etiraz olaraq kütləvi aksiya keçiriblər.
Teleqraf.com "RİA Novosti"yə istinadən xəbər verir ki, müxalifət siyasətçiləri sosial şəbəkələrdə Universitet meydanından canlı yayımlanır.
Yerli telekanallar Universitet meydanına 2,5 minə yaxın insanın toplaşdığını və mitinq iştirakçılarının sayının artmaqda davam etdiyini bildirir.
AUR lideri George Simion mətbuata açıqlamasında bildirib ki, nümayişçilər Viktoriya meydanına yürüş etməyi və 23:00-a qədər orada qalmağı planlaşdırırlar. O əlavə edib ki, ən azı 50 min nəfər gözlənilir.
“Bizim əsas tələbimiz prezident seçkilərinin ikinci turunun keçirilməsi və Klaus İohannisin istefasıdır”, - deyə siyasətçi bildirib.
