2025-ci ilin ilk yeddi ayında Çin Rusiyaya küftə və əriştə ixracını artırıb.
Teleqraf xəbər verir ki, Çin Xalq Respublikasının Statistika Xidmətinin məlumatına görə, bu dövr ərzində köftə ixracı 4,3 dəfə artaraq 3,3 milyon dollar olub. Əriştə tədarükündən isə 24,8 milyon dollar gəlir əldə edilib, bu da 24% artım deməkdir.
İyul ayında Çin köftələrinin Rusiyaya ixracı 2,7 dəfə artaraq 479 min dollar olub, əriştə ixracı isə 2% artaraq 4 milyon dollara çatıb. Rusiya, Çin əriştəsinin əsas idxalçılarından altıncı, köftənin isə onuncu yerdədir.
Bundan başqa, Rusiya Cənubi Koreya əriştələrinə də maraq göstərir, 2025-ci ilin may ayında bu ölkənin əriştə tədarükü 1,7 dəfə artaraq 4,2 milyon dollara çatıb.
