Kazan, Ulyanovsk və Samara hava limanlarının fəaliyyəti müvəqqəti məhdudlaşdırılıb.
Axar.az xəbər verir ki, bu barədə “Rosaviasiya” məlumat yayıb.
"Mülki hava gəmilərinin uçuş təhlükəsizliyini təmin etmək üçün Ulyanovsk (Baratayevka) hava limanında saat 13:40-dan (Bakı vaxtı ilə 14:40), Samara (Kurumoç) hava limanında saat 14:00-dan (Bakı vaxtı ilə 15:00), Kazan hava limanında saat 15:05-dən (Bakı vaxtı ilə 16:05) təyyarələrin qəbulu və yola salınmasına müvəqqəti məhdudiyyətlər tətbiq edilib", - məlumatda qeyd olunub.
Bundan əvvəl Saratov hava limanında məhdudiyyətlər tətbiq edilmişdi. Az öncə isə Saratovda bu məhdudiyyətlər götürülüb.
Qeyd edək ki, səhər saatlarında da mülki hava gəmilərinin uçuş təhlükəsizliyini təmin etmək üçün Kazan, Nijnekamsk və Ulyanovsk hava limanlarının fəaliyyətinə müvəqqəti məhdudiyyətlər tətbiq edilmişdi.
