Moldovada Prezident Maya Sandunun Fəaliyyət və Həmrəylik Partiyası (PAS) ölkədə keçirilən parlament seçkilərində qalib gəlib.
Axar.az xəbər verir ki, bu barədə Moldova Mərkəzi Seçki Komissiyasından məlumat verilib.
Məlumata görə, PAS bülletenlərin 99.47 faizinin sayılmasından sonra 49.9 faiz səs alıb.
Onun rəqibi, keçmiş prezident İqor Dodonun rəhbərlik etdiyi "Vətənpərvər blok" isə 24,28% səslə ikinci olub.
"Alternativ" bloku 7.99, "Bizim Partiya" 6.22, "Demokratiya evdədir" partiyası isə 5.63 faiz səs toplayıb.
Bununla da Maya Sandunun partiyası parlamentdə 51 yer alaraq, təkbaşına hökumət formalaşdırmaq üçün böyük üstünlük qazanıb.
