Suriyanın müvəqqəti prezidenti Əhməd əş-Şara yeni kabinetin tərkibini elan edib.
Axar.az xəbər verir ki, Şara Qəsr əş-Şaab sarayında çıxışında yeni tərkibi “dəyişiklik hökuməti” adlandırıb.
“Ölkəmiz daha yaxşı gələcəyə doğru yeni tarixi dövrə qədəm qoyur. Biz yenidənqurma və islahatlar aparacaq yaradıcı və dəyişiklik hökumətinin formalaşdığını elan edirik”, - o bildirib.
Keçid hökumətində XİN başçısı Əsəd Həsən əş-Şeybani və müdafiə naziri Murhaf Əbu Qəsr öz vəzifələrini qoruyublar. Baş Kəşfiyyat Xidmətinin rəhbəri postunu tutan Ənəs Həsən Xəttab isə daxili işlər naziri təyin edilib.
