“İrana qarşı mümkün təcavüzdə iştirak edən istənilən tərəf ağır bədəl ödəyəcək və buna görə peşman olacaq”.
Teleqraf xəbər verir ki, bunu İran İslam İnqilabı Keşikçiləri Korpusunun (SEPAH) baş komandanı Hüseyn Salami deyib.
SEPAH rəhbəri İranın istənilən mümkün ssenariyə qarşı tam hazır olduğunu vurğulayıb və əlavə edib ki, toqquşma baş verərsə, İsrail ağır nəticələrlə üzləşəcək.
Salami İranın ötən ilin aprel-oktyabr aylarında İsrailə qarşı keçirdiyi iki əməliyyatına toxunaraq, hücumların təkrarlanacağı təqdirdə cavabın daha şiddətli və genişmiqyaslı olacağını qeyd edib.
SEPAH-ın baş komandanı əlavə edib ki, İsrail İranın hərbi imkanlarını yaxşı bilir və istənilən toqquşma bu dövlətin məhvinə səbəb ola bilər:
“Bu cür hərbi avantüralara girən hər bir ölkə, onların nəticələrinə görə tam məsuliyyət daşıyacaq”.
