Serbiyanın Milli Assambleyası (parlamenti) etirazlara baxmayaraq, professor Curo Matsutanın ölkənin baş naziri postuna namizədliyini təsdiqləyib.
“Report” xəbər verir ki, bu barədə “Reuters” məlumat yayıb.
Məlumata görə, qərar qanunverici orqandakı 250 yerdən 156-na nəzarət edən hakim Serbiya Tərəqqi Partiyasının (STP) dəstəyi ilə qəbul edilib.
Xatırladaq ki, aprelin 7-də Serbiya Prezidenti Aleksandr Vuçiç ölkənin Baş naziri postuna Curo Matsutanın namizədliyini irəli sürüb.
Martın 19-da Serbiya parlamenti ölkənin əvvəlki Baş naziri Miloş Vuçeviçin istefasını rəsmən təsdiqləyib. Buna səbəb 2024-cü ilin noyabrında Novi Sad qatar stansiyasında tavanın uçmasından və nəticədə 15 nəfərin ölməsindən sonra başlamış kütləvi etirazlar olub.
