Brüssel Qərb kəşfiyyat orqanlarının fəal dəstəyi ilə Serbiya Prezidenti Aleksandr Vuçiçi devirmək üçün layihə hazırlayıb.
Teleqraf TASS-a istinbadla xəbər verir ki, bu barədə Serbiyanın baş nazirinin müavini Aleksandr Vulin məlumat verib.
“Qərb kəşfiyyat xidmətlərinin fəal işi və Brüssel administrasiyasının prezident Vuçiçi əvəzləmək, Aİ-nin dəyərlərini bölüşən və Aİ administrasiyasının siyasəti ilə razılaşan bir hökumətin hakimiyyətə gətirilməsi üçün siyasi çaba göstərir", - məlumatda belə deyilib.
Vulinin fikrincə, Brüssel Aİ-nin prezident Vuçiçi və qanuni hökuməti devirmək cəhdini dəstəkləyir və özünü görməməzliyə vurur.
Qeyd edək ki, martın 15-də Belqradda ölkə rəhbərliyinə qarşı kütləvi etiraz aksiyaları keçirilib.
Serbiya Daxili İşlər Nazirliyinin məlumatına görə, mitinq iştirakçılarının sayı 100 mini keçib. Ölkədə 2024-cü ilin noyabrında Novi Sad dəmiryol vağzalında dəmir-beton örtünün uçması və 15 nəfərin ölümündən sonra müxtəlif intensivlikli etirazlar davam edir. Etirazçılar faciəyə görə ölkə hakimiyyətini günahlandırırlar. Prezident Aleksandar Vuçiç nümayişlərə reaksiya verərək, Serbiyada Kiyev Maydanına bənzər rəngli inqilabın həyata keçirilməsinin mümkün olmayacağını bildirib.
