Moldovada sentyabr seçkiləri ərəfəsində Belarus vətəndaşı Aleksandr Xantarou və Rusiya vətəndaşı Sergey Andreenkov Serbiyada gizli təlim düşərgəsi təşkil ediblər.
Sherg.az Nexta-ya istinadən xəbər verir ki, burada 150-dən çox Rusiya meyilli fəala atıcılıq, hədəf tanıma və küçə iğtişaşlarını təşkil etmə taktikaları öyrədilib.
Təlimlər iyul-sentyabr aylarında “Sunčana Reka” kompleksində keçirilib və qarşılarına seçkilərin “arzuolunmaz” nəticəsi halında Moldovada qarışıqlıq yaratmaq məqsədi qoyulub.
O da bildirilir ki, Moldovada 74 nəfər şübhəli şəxs saxlanılıb, Serbiyada isə düşərgəni maliyyələşdirməkdə ittiham olunan iki nəfər həbs edilib. Avropa Komissiyası məsələ ilə bağlı araşdırma başladıb.
