Səudiyyə Ərəbistanı Qırğızıstanın Bişkek və Çuy vilayətlərində məktəblərin tikintisi üçün 50 milyon dollar vəsait ayıracaq.
Teleqraf xəbər verir ki, bu barədə Qırğızıstanın tikinti, memarlıq və mənzil-kommunal təsərrüfatı nazirinin müavini Samat Canteliyev məlumat verib.
Kredit ABŞ dolları ilə 25 illik müddətə veriləcək, Bişkekdə 5 yeni məktəbin və mövcud məktəblərə 7 əlavə tədris korpusunun tikintisinə, həmçinin Çuyda 2 yeni məktəbin tikintisinə yönəldiləcək. Məktəblərin tutumu 150-dən 1 000 şagirdədək nəzərdə tutulub.
Layihənin başlanğıcı 2026-cı il, başa çatma tarixi isə 2029-cu il planlaşdırılıb.
