Kyoto və Akita prefekturalı universitetlərindən olan tədqiqatçılar 6 il ərzində 6 şimpanzenin koqnitiv məşqləri həll edərkən performansının tamaşaçılar tərəfindən necə təsirləndiyini araşdırıblar.
Sherg.az xarici mediaya istinadən xəbər verir ki, tədqiqatçılar gündə 50-90 məşq etdikləri şimpanzelərin performansının tamaşaçı sayından asılı olaraq dəyişdiyini müəyyən ediblər.
Araşdırmanın müəlliflərindən olan Şinya Yamamoto Kyodo News-a verdiyi açıqlamada, tanış olduqları insanların şimpanzelərə baxmasının onların performanslarına müsbət təsir etdiyi tapıntısının davranış elmi baxımından əhəmiyyətli bir inkişaf olduğuna diqqət çəkib.
Qeyd edək ki, araşdırmanın nəticələri "iScience" jurnalında dərc olunub.
