Almaniya kansleri Olaf Şolts amerikalı iş adamı İlon Maskın avropalı ifrat sağçıları dəstəkləməsini qəbuledilməz adlandırıb.
Teleqraf.com xəbər verir ki, o, bu barədə Davosda keçirilən Dünya İqtisadi Forumunda danışıb.
“Hər kəs istədiyini deyə bilər, hətta milyarder də olsa. Qəbul etmədiyimiz şey ifrat sağçı mövqelərə dəstəkdir”, - siyasətçi vurğulayıb.
İlon Mask daha əvvəl ifrat sağçı “Almaniya üçün Alternativ” partiyasını açıq dəstəklədiyinə görə, Avropada demokratiya üçün təhlükə adlandırılmışdı.
