Rusiya-Ukrayna müharibəsinin Rusiya-NATO müharibəsinə çevrilməsinin qarşısını almaq lazımdır.
"Report" xəbər verir ki, bunu Almaniya kansleri Olaf Şolts Türkiyənin "Anadolu" xəbər agentliyinə müsahibəsində deyib.
O qeyd edib ki, bu müharibə ilə on illərdir sahib olduğumuz və Avropada sülhü, sabitliyi təmin edən razılaşma pozulub: "Biz Ukraynanı dəstəkləyirik və dəstəkləyəcəyik. Eyni zamanda, müharibənin genişlənməməsinə diqqət edirik. Bunun üçün bütün diplomatik imkanlardan istifadəyə səy göstərilir".
Qeyd edək ki, Rusiya-Ukrayna müharibəsi 2022-ci il fevralın 24-də başlayıb. ABŞ Prezidenti Donald Tramp daha əvvəl müharibəni bu il bitirmək üçün çalışacağını deyib. Ukrayna lideri Volodimir Zelenski isə söyləyib ki, 2025-ci ildə savaşa son qoymaq üçün mümkün olan hər şeyi edəcək.
