Rusiya Təhlükəsizlik Şurasının katibi Sergey Şoyqu Rusiya Prezidenti Vladimir Putinin xüsusi tapşırığı ilə Pxenyana gəlib və orada Şimali Koreya lideri Kim Çen Inla görüşü gözlənilir.
Teleqraf xəbər verir ki, bu barədə TASS məlumat yayıb.
“Sergey Şoyqu Rusiya Prezidenti Vladimir Putinin xüsusi tapşırığı ilə Şimali Koreya rəhbərliyi ilə iyunun 4-də son səfəri zamanı əldə olunmuş razılaşmaların icrası çərçivəsində danışıqlar aparmaq üçün Pxenyana gəlib. Bu razılaşmalar Rusiya Federasiyası ilə Şimali Koreya arasında hərtərəfli strateji tərəfdaşlıq haqqında Müqavilə çərçivəsində həyata keçirilir”, - məlumatda deyilir.
Xatırladaq ki, bu, Şoyqunun üç ay ərzində Şimali Koreyaya üçüncü səfəridir.
