2018-ci ildə ABŞ Prezidenti Donald Tramp NATO-dan çıxmağı nəzərdən keçirib, bu da hərbi alyansın dağılmaq təhlükəsi ilə üzləşməsinə səbəb olub.
Teleqraf xəbər verir ki, bu barədə NATO-nun keçmiş baş katibi Yens Stoltenberq yeni kitabında yazıb.
Kitabın bir hissəsi "The Guardian" tərəfindən dərc edilib.
Stoltenberqin xatirələrinə görə, 2018-ci ilin iyul ayında Brüsseldə keçirilən NATO liderlərinin qapalı görüşündə Tramp digər üzv ölkələrin müdafiə xərclərinin səviyyəsindən narazılıq ifadə edib. ABŞ-nin alyansdakı xərclərin nisbətinin həddindən artıq yüksək olduğunu vurğulayan Tramp, amerikalıların ÜDM-in 4%-ni müdafiəyə sərf etdiyini və alyansın xərclərinin 80–90%-ini ödədiklərini bildirib.
O, digər üzv ölkələrdən müdafiə xərclərini artırmağı tələb edib.
