Hindistan Kəşmirdə törədilən terror aktında 26 turistin ölümündə Pakistanı günahlandırıb və 65 illik su müqaviləsini ilk dəfə olaraq dayandırıb. Pakistan rəsmiləri bunu "su müharibəsi" adlandırırlar.
Bu barədə Oxu.Az "Kun Uz" nəşrinə istinadən xəbər verir.
Məlumata görə, Hindistan 1960-cı ildə iki ölkə arasında imzalanmış su müqaviləsini birtərəfli qaydada ləğv edib. Pakistan tərəfi isə bu vəziyyəti müharibə elanı kimi qiymətləndirir.
Qeyd edək ki, Hindistan və Pakistan arasındakı qarşıdurma dünyanın ən təhlükəli dondurulmuş müharibələrindən biridir. Xüsusilə Kəşmir məsələsi bu münaqişənin mərkəzində dayanır. Digər münaqişələrdən fərqli olaraq bu iki ölkə nüvə silahına da sahibdir.
11:38
Hindistan və Pakistan hərbçiləri arasında aprelin 25-dən 26-na keçən gecə Cammu və Kəşmir sərhəd nəzarət xəttində yenidən atışma olub.
Oxu.Az-ın xəbərinə görə, bu barədə PTI agentliyi ordudakı mənbəyə istinadən məlumat verib.
Ölən və yaralananlar barədə məlumat yoxdur. Sonuncu belə insident aprelin 24-dən 25-nə keçən gecə olub.
Xatırladaq ki, aprelin 22-də Cammu və Kəşmir bölgəsində terror aktı baş verib. Silahlı döyüşçülər Baysaran vadisində turistlərə avtomatlardan atəş açıblar. KİV-in məlumatına görə, insident nəticəsində 26 nəfər ölüb. Terror aktına görə məsuliyyəti Əfqanıstanın "Müqavimət cəbhəsi" qruplaşması öz üzərinə götürüb.
İnsident fonundan Pakistan və Hindistan arasında münasibətlər kəskinləşib.
