Suriya Prezidenti Əhməd Şaraa Səudiyyə Ərəbistanında ABŞ Prezidenti Donald Trampla görüşünü son 25 ildə görünməmiş tarixi hadisə adlandırıb.
Teleqraf “Əl-Cəzirə”yə istinadən xəbər verir ki, bunu o, ABŞ sanksiyalarının ləğv edilməsindən sonra xalqa ilk müraciətində deyib.
Şəraa Suriyaya qarşı sanksiyaların aradan qaldırılmasına görə ABŞ Prezidenti Donald Trampa, eləcə də Fransa Prezidenti Emmanuel Makronun timsalında Avropa liderlərinə təşəkkürünü bildirib.
"Bu, cəsarətli, şücaətli bir qərar idi, çünki Suriya xalqına daha yaxşı gələcək qurmağa və regionda sabitliyi təmin etməyə kömək edəcək", - Ə.Şaraa deyib.
O, 10 il davam etmiş vətəndaş müharibəsinin başa çatmasından sonra beynəlxalq münasibətləri bərpa etməyə çalışdıqlarını söyləyib.
"İnsanlar xoşbəxt idi, qardaşlarımız və qonşu dövlətlər bizim üçün sevinirdi. Əslində, bütün dünya bizim üçün sevinirdi. İndi yeni bir ümid var. Yeni bir ümid və rifah pəncərəsi var”, - o deyib.
O, ölkədə sabitliyi bərpa etməyin "ağırlığı"nı etiraf edib, buna baxmayaraq, gələcəyə nikbin baxdığını vurğulayıb.
