Zelenski ABŞ-ni qane edən “qələbə planı” ortaya çıxara bilməsə, onun əvəzlənməsi baş tuta bilər
"ABŞ Prezidenti Donald Tramp soyuq müharibədən sonrakı post-SSRİ dövrünün nizamını, normalarını və institutlarını hədəfə alıb. Bu, Ukraynanı da Trampın qərarlarına qarşı mübarizə səylərinə qoşulmasını şərtləndirir".
Bu sözləri "Sherg.az"a açıqlamasında siyasi şərhçi Aqşin Kərimov deyib.
Ekspert bildirib ki, Tramp administrasiyası beynəlxalq nizamın yenidən qurulmasında dominantlığı ələ almağa çalışmaqla Rusiya ilə Ukrayna arasında “sülhə” nail olmağı prioritetləşdirir:
"Hərçənd ki, Tramp administrasiyası sülhün konstruksiyasına dair aydın hərtərəfli plan təqdim etməyib. Trampın Ukrayna sülh razılaşması üçün vəd etdiyi vaxt qrafikinin ilk 24 saatdan 100 günə keçməsi də Vaşinqtonda Trampın planının hələ də inkişaf etməkdə olduğunu göstərir. Rusiya da, Ukrayna da dron sənayesini gücləndirir. Rusiyanın Ukraynaya genişmiqyaslı dron hücumları olsa da, Ukrayna qüvvələri Rusiyanın neft-qaz infrastrukturlarına intensiv zərbələrindən çəkinmir. Dron sənayesi sahəsində Kiyev Moskvadan irəlidə olduğu qabiliyyətini itirmədiyini vurğulayır. Bununla belə, Ukrayna öz ərazilərindəki Rusiya qoşunlarının müdafiə istehkamlarını yara bilmir. Hər keçən gün ərazi itkisi ilə üzləşdiyindən ərazi və logistika böhranı dərinləşir. Ukrayna cəbhə xəttini Rusiyanın daxilinə effektiv şəkildə daşıya bilmir. Ehtimal ki, bu, ABŞ planının icrasında Kiyev administrasiyasının performans göstərmədiyini simvollaşdırır".
Analitikə görə, Donald Tramp administrasiyasının Ukraynada ilin sonuna qədər seçki keçirməsini istəyir:
"Vaşinqton “seçki ssenarisini” Kiyevlə Moskva arasında mümkün razılaşmaların tərkib hissəsi kimi qiymətləndirir. Buna görə də Ağ Evin Ukraynanı Rusiya ilə ilkin atəşkəsin bir hissəsi kimi seçkilərə razılaşmağa məcbur edir. Ukrayna Prezidenti Volodimir Zelenskinin siyasi taleyi bu seçkilərdən sonra ata biləcəyi addımlarla təyin ediləcək. Zelenski ABŞ-ni qane edən “qələbə planı” ortaya çıxara bilməsə, onun Ağ Ev administrasiyasının oynayacağı fərqli kartlarla əvəzlənməsi baş tuta bilər".
İ
