ABŞ prezidenti Donald Tramp Vaşinqtonda baş verən təyyarə qəzasında həlak olan rusların qalıqlarının təhvil verilməsi ilə bağlı artıq Rusiya ilə əlaqə saxladığını və kömək etməyə hazır olduğunu bildirib.
APA xəbər verir ki, Tramp bunu Ağ Evdə keçirdiyi mətbuat konfransında jurnalistlərin suallarını cavablandırarkən deyib.
"Bəli, edəcəyik. Biz artıq bu məsələ ilə bağlı Rusiya ilə əlaqə saxlamışıq. Biz kömək edəcəyik", - deyə o bildirib.
Qeyd edək ki, Tramp daha əvvəl çıxışı zamanı təyyarə qəzası nəticəsində Rusiya vətəndaşlarının öldüyünü də təsdiqləyib.
