ABŞ prezidenti Donald Tramp transseksualların orduda xidmətini qadağan edən, o cümlədən, orduda müxtəliflik, bərabərlik və inklüzivlik proqramlarına son qoyan iki sərəncam imzalayacaq.
Teleqraf.com xəbər verir ki, bu barədə “New York Post” Ağ Evin sənədinə istinadən məlumat yayıb.
Tramp vəzifəyə gəldiyi ilk gündə ABŞ-nin keçmiş prezidenti Co Bayden administrasiyasının transgenderlerin açıq şəkildə orduda xidmət etməsinə icazə verən 2021-ci il qərarını ləğv edən sərəncam imzalayıb.
Nəşrin məlumatına görə, Trampın yeni fərmanları daha da irəli gedəcək. Dəyişikliklərə əsasən, cins kimliyi ilə bağlı hərbi standartlar təyin ediləcək, eləcə də əqli və fiziki hazırlıq problemlərini əsas gətirərək minlərlə transgenderin hərbi xidmətdə olması qadağan olunacaq.
