ABŞ Prezidenti Donald Tramp 20 maddədən ibarət sülh planı ilə bağlı Vladimir Zelenskinin optimizmini soyutdu. Bu barədə The Hill qəzeti yazır.
Sherg.az xəbər verir ki, nəşr Trampın "Politico"ya verdiyi müsahibəyə istinad edir. Həmin müsahibədə ABŞ lideri bildirir ki, Zelenski onun təsdiqi olmadan heç nəyə nail ola bilməz.
24 dekabrda Zelenski ABŞ ilə aparılan danışıqlarda müzakirə edilmiş sülh planının məzmununu açıqlayıb. Sənəd 20 maddədən ibarətdir. Bu maddələr arasında respublikaya təhlükəsizlik zəmanətlərinin verilməsi, Moskva ilə Kiyev arasında hücum etməmək haqqında razılaşma, sülh dövründə Ukrayna Silahlı Qüvvələrinin sayının artırılması və “hamı hamıya” formatında əsir mübadiləsi yer alır.
