“ABŞ mümkün qədər tez Ukrayna münaqişəsindən xilas olmalıdır.”
APA xəbər verir ki, bu fikri Ağ Ev Milli Təhlükəsizlik Şurasının (MTŞ) sabiq aparat rəhbəri Aleksandr Qrey deyib.
"Lakin nəzərə almalıyıq ki, Birləşmiş Ştatlar Ukraynanı qeyri-müəyyən müddətə dəstəkləyə və ya bu münaqişənin tərəfi ola bilməz. Bizim daha böyük çətinliklərimiz var. Mən deyərdim ki, qarşımızdakı ən böyük çətinlik Çin Kommunist Partiyasıdır. Ona görə də biz tez bir zamanda özümüzü bundan xilas etməliyik. Prezident Donald Tramp haqlıdır. Düşünürəm ki, o, rusları və ukraynalıları masa arxasına gətirmək üçün bir yol tapmaq strategiyası həyata keçirir ki, biz nəhayət ABŞ-ı bu münaqişədən çıxara bilək", - Qrey deyib.
