"Azərbaycanı ilk tanıyan dövlət olaraq, biz hər zaman qardaş Azərbaycanın yanında olmuşuq və bu gün də siyasi, iqtisadi və hərbi sahələrdə ona dəstəyimizi davam etdiririk".
Teleqraf xəbər verir ki, bu fikirlər "TRT HABER"in 26 İyun - Silahlı Qüvvələr Günü ilə bağlı hazırladığı məqalədə əksini tapıb.
"1992-ci ildən bəri Azərbaycanla aramızda hərbi əməkdaşlığa dair 100-dən artıq müqavilə və protokol imzalamışıq. Bu çərçivədə müdafiə sənayesinin inkişafı, hərbi kadrların hazırlanması və ordunun müasirləşdirilməsi istiqamətində Azərbaycanla sıx əməkdaşlıq həyata keçiririk.
Yüzlərlə azərbaycanlı zabit və hərbiçi Türkiyə hərbi məktəblərində təhsil alıb. Azərbaycan Hərbi Akademiyası isə bizim töhfəmizlə NATO standartlarına uyğun təhsil verən bir hərbi tədris mərkəzinə çevrilib.
Ətraflı
2013-cü ildə imzaladığımız anlaşmaya əsasən, hər il qardaş ölkə ilə birgə döyüş təlimlər keçiririk. Eyni zamanda, Gürcüstan və Pakistanın iştirakı ilə üçtərəfli hərbi təlimlər təşkil olunur.
Birgə ortaqlıq nəticəsində müasir silah və hərbi texnika istehsal edilir.
Azərbaycan Ordusunun 107-ci ildönümünü ürəkdən təbrik edir, “Bir millət – iki dövlət” prinsipi ilə hərbi əməkdaşlığımızı gələcəkdə daha da gücləndirəcəyimizi bildiririk",- məqalədə deyilir.
