Beynəlxalq mütəxəssislər Türkmənistan üçün Ümumdünya Ticarət Təşkilatına (ÜTT) üzvlüyə hazırlıq çərçivəsində ticarət prosedurlarının sadələşdirilməsi üzrə yol xəritəsi layihəsi hazırlayıblar.
Teleqraf xəbər verir ki, bu barədə BMT-nin Türkmənistandakı daimi koordinatoru Dmitri Şlapaçenko məlumat verib.
O bildirib ki, 50-dən çox müvafiq nazirliyin əməkdaşı ÜTT qaydaları və sazişləri üzrə təlim keçib, həmçinin 10 dövlət qulluqçusundan ibarət nümayəndə heyəti beynəlxalq təşkilata qoşulma prosesi zamanı Qazaxıstanın təcrübəsini öyrənib.
Bundan əlavə, milli qanunvericiliyin ÜTT tələblərinə uyğunluğu üzrə analiz davam etdirilir və ölkənin investisiyalara dəstək verən normativ bazası qiymətləndirilir.
