Səudiyyə Ərəbistanı, Oman və Qətər ABŞ Prezidenti Donald Trampı İrana hücum etməməyə və Tehrana "xoş niyyətini göstərmək üçün şans verməyə" inandırmaq üçün əhəmiyyətli diplomatik səylər göstəriblər.
Oxu.Az bildirir ki, bu barədə AFP agentliyi səudiyyəli məmura istinadən xəbər verir.
Məlumata əsasən, hər üç dövlət Vaşinqtonu gərginliyin artacağı təqdirdə bunun region üçün ciddi nəticələri olacağı barədə xəbərdar edib.
Mənbə əlavə edib ki, əldə olunmuş etimadı möhkəmləndirmək üçün danışıqlar davam edir.
