Biz onları geri qaytardıq və bu mübadilə üzərində çalışan hər kəsə təşəkkür edirəm. Başda Birləşmiş Ərəb Əmirlikləri olmaqla, tərəfdaşlara vasitəçilik və yardım üçün təşəkkür edirəm. Ukraynalı əsirlər barədə laqeyd qalmayan və bu barədə danışmağa davam edən hər kəsə təşəkkür edirəm.
AZƏRTAC xəbər verir ki, bu barədə Ukrayna Prezidenti Volodimir Zelenskinin Teleqram sosial şəbəkəsində mayın 6-da Rusiya ilə Ukrayna arasında baş tutmuş əsir mübadiləsini şərh edərkən bildirib.
Rusiyanın əsirliyindən 205 ukraynalı azad edilib.
Ukrayna Ali Radasının insan hüquqları üzrə müvəkkili Dmitri Lubinetsin verdiyi məlumata görə, bu gün Ukrayna ilə Rusiya arasında 64-cü əsir mübadiləsi baş tutub. Müharibə başlayandan bəri ümumilikdə 4757 nəfərin Ukraynaya qaytarılması mümkün olub.
