Amerikalı milyarder İlon Mask Ağ Evdə ABŞ-ın maliyyə naziri Skott Bessentlə dava edib.
Teleqraf xəbər verir ki, bu barədə Donald Trampın keçmiş müşaviri Stiv Bannona istinadən “The Washington Post” qəzeti yazıb.
Bildirilir ki, hadisə bu il aprelin ortalarında baş verib. Qeyd olunur ki, Bessent Maska 1 trilyon dollardan çox saxta dövlət xərclərini ifşa edəcəyi ilə bağlı iddialarını xatırladaraq, bunu hələ də bacarmadığını ona deyib.
Mask isə öz növbəsində qeyd edib: "Skott, sən tamamilə fırıldaqçısan".
Bannonun sözlərinə görə, Musk Bessentin sinəsinə "reqbi oyunçusu kimi" çiynini sıxıb və bunun qarşılığında maliyyə naziri milyarderə yumruq atıb. Milli təhlükəsizlik müşavirinin ofisinə çatan mübahisəni dağıtmaq üçün bir neçə nəfər müdaxilə edib.
Amerikalı milyarderin gözünün göyərməsinin məhz bu dava ilə bağlı olduğu qeyd edilir.
