Ana yapon xalqının uşaqlara olan sevgisinə heyran olduğunu söyləyib
Bir ailənin 4 aylıq körpəsi Gigi Yaponiyaya səfərləri zamanı diqqət mərkəzinə düşüb. Şirinliyi ilə diqqət çəkən körpə getdiyi hər yerdə hərarətlə qarşılanıb.
Sherg.az "ntv.tr"-yə istinadən xəbər verir ki, ailəsi ilə birlikdə Yaponiyaya ilk səfərini edən dörd aylıq Gigi qısa zamanda ölkənin ən körpə ulduzlarından birinə çevrilib.
Anasının paylaşdığı video sosial şəbəkədə böyük marağa səbəb olub. Videoda yaponların Gigiyə sevgi ilə yaxınlaşdığı, onu qucaqladığı və diqqətini göstərdiyi anlar əks olunub.
Körpə ilə səyahət etməyin bəzən çətin ola biləcəyini ifadə edən ana, Yapon xalqının uşaqlara olan sevgisinə heyran olduğunu söylədi.
Restoranlardan tutmuş ictimai nəqliyyata qədər Gigi hər yerdə səmimi qarşılanıb. Videoda gəncdən qocaya hər kəsin Giqini sevgi ilə qarşıladığı görüntülənib.
Giqinin anası öz paylaşımında bu ifadələrə yer verib: "Gigi getdiyimiz hər yerdə ulduz idi! Yaponların ən gözəl ürəklərə sahib olduğunu eşitmişdim və bu tamamilə doğrudur".
Yaponların “bir uşağı böyütmək üçün bir kənd lazımdır” fəlsəfəsini mənimsədiklərini qeyd edən sosial media istifadəçiləri bu təcrübəni heyranlıqla qarşılayıblar.
Bir istifadəçi zarafat dili ilə – "İndi hamı xala, dayıdır!" deyərkən digəri isə Yapon mədəniyyətinin ailə yönümlü və isti təbiətini tərifləyib.
