İran ərazisinə yeni zərbələrin endirilməsi ilə bağlı aqressiv açıqlamalar haqlı narahatlıq doğurur.
Teleqraf xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.
Diplomat bildirib ki, Kreml müharibə tərəfdarlarını dağıdıcı kurslarının tam zərərli olduğunu qəbul etməyə, İran və onun nüvə proqramı ətrafında gərginliyi artırmaqdan çəkinməyə və 2025-ci ilin iyun ayında etdikləri ölümcül səhvləri təkrarlamamağa çağırır.
Zaxarova əlavə edib ki, İranın nüvə proqramına qarşı güc yolu ilə həll çağırışları ciddi fəlakətə səbəb ola bilər.
Bir gün əvvəl ABŞ prezidenti Tramp İsrailin Baş naziri Binyamin Netanyahu ilə birgə mətbuat konfransında İranın nüvə proqramını bərpa etməyə cəhd göstərəcəyi təqdirdə ciddi nəticələrlə üzləşəcəyini bildirmişdi.
