“Özünü yatmış ayının yanında tapan hər kəs özündən ora necə gəldiyini soruşmalıdır”.
Teleqraf xəbər verir ki, Rusiya XİN-in sözçüsü Mariya Zaxarova Belarus Prezidenti Aleksandr Lukaşenkonun Ukraynaya ünvanladığı xəbərdarlığı bu cür şərh edib.
“Bu sitatı davam etdirmək və sual vermək istəyirəm: özünüzdən soruşmaq istəmirsinizmi ki, niyə ayının yanında yatırsınız? Ora necə gəlmisiniz?”, - Zaxarova bildirib.
Xatırladaq ki, bundan əvvəl Aleksandr Lukaşenko Kiyevi yatan ayını (Rusiya) oyatdığını bəyan edərək, müharibənin başlamasına görə Ukraynanı günahlandırmışdı: “Ukrayna müəyyən bir dil siyasəti qurmaq istəyirdisə, bunu sakit şəkildə, illər ərzində mərhələ-mərhələ etməliydi, yatmış ayını oyatmaqla yox. Bunu sizə yaşlı bir siyasətçi kimi deyirəm: əgər sən bu yatan ayının yanında yaşayırsansa, onu oyatma, normal münasibətlər qur”.
