“Rusiyanın işğal altında olan Donetskdə artıq normal yaşamaq mümkün deyil”.
Teleqraf xəbər verir ki, bunu Ukrayna Prezidenti Volodimir Zelenski deyib.
Dövlət başçısı bildirib ki, Ukrayna və Rusiya arasındakı müharibənin əsas səbəbi ərazi məsələsi ilə əlaqədardır:
“Görünür, bu, müharibədə əsas məsələdir. Əlbəttə, biz öz torpağımız üçün mübarizə aparırıq. Biz öz suveren ərazimizi müdafiə edirik və bu, tamamilə ədalətlidir”.
Zelenski qeyd edib ki, Rusiya işğal etdiyi Ukrayna bölgələrini xarabalığa çevirir, orada həyatları məhv edir:
“Rusiya tərəfindən işğal olunan ərazilərimiz, torpaqlarımız boşalır. Hətta vaxtilə Ukraynanın ən zəngin, ən qüdrətli şəhərlərindən biri olan Donetski belə ruslar elə bir vəziyyətə gətiriblər ki, orada normal yaşamaq sadəcə mümkün deyil”.
