Ukrayna Ali Məhkəməsi Zelenskinin ofisindən ölkənin beşinci prezidenti, Avropa Həmrəyliyi Partiyasının lideri Pyotr Poroşenkoya qarşı sanksiyaların tətbiq edilməsinə əsaslanan sübutları təqdim etmələrini istəyib.
Teleqraf xəbər verir ki, bu barədə partiyanın mətbuat xidməti məlumat yayıb.
Məlumatda deyilir: “Məhkəmə iddiaçının vəsatətini təmin edərək, Prezident Aparatının və hökumətin nümayəndələrinə sanksiyaların tətbiq edilməsinin əsasları, bu qərarın qəbul edilməsi qaydası və bu prosesdə bilavasitə iştirak edən dövlət rəsmiləri ilə bağlı bütün lazımi sənədləri təqdim etməyi tapşırıb”.
Poroşenko "heç bir hüquqi əsası olmayan məhdudiyyətlərin aradan qaldırılmasına nail olmaq və onları hazırlayan məmurları məsuliyyətə cəlb etmək" arzusunu bəyan edib.
