İyunun 6-da bütün gün ərzində Ukraynanın müxtəlif rayon və şəhərlərində xilasetmə işləri davam etdirilib.
Teleqraf xəbər verir ki, bu barədə Ukrayna Prezidenti Volodimir Zelenski öz sosial şəbəkə hesabında yazıb.
O bildirib ki, Ternopil, Lutsk, Kiyev və ərtaf bölgələr, Poltava, Xmelnitski, Lvov, Odessa və Sumıda həm xilasetmə, həm də raket hücumunun fəsadlarının aradan qaldırılması istiqamətində işlər aparılıb.
V.Zelenski ümumilikdə 80 nəfər yaralandığını qeyd edib: “Onların hamısına yardım göstərilib. Təəssüf ki, ölənlər var. Hazırda dörd ölüm faktı məlumdur - Kiyev və Lutskda. Dünyasını dəyişənlərin doğmalarına və yaxınlarına başsağlığı verirəm. Dağıntılar altında hələ də insanlar ola bilər.
V.Zelenski yazıb: “Kiyevdə ölənlər birinci zərbədən sonra hadisə yerinə gələn xilasedicilərdir. Təəssüf ki, onlar Rusiyanın ikinci raket zərbəsi nəticəsində həlak oldular. Danilo Skadin, Andriy Remennı və Pavlo Ezqor 18-ci Dövlət Yanğından Mühafizə Hissəsinin xilasediciləri idi”.
Ukrayna Prezidenti Rusiyanın 400-dən çox pilotsuz təyyarədən, 40-dan çox raketdən istifadə etdiyini bildirib. O qeyd edib ki, onların böyük bir hissəsi zərərsizləşdirilsə də, hamısını məhv etmək mümkün olmayıb”.
V.Zelenski paylaşımının sonunda yenə də diplomatiya işləməli olduğunu bildirib, təhlükəsizlik təminatlarının zəruriliyini vurğulayıb. O yazıb: “Sülh bərqərar olmalıdır və bunun üçün ilkin addımlar, o cümlədən atəşkəs lazımdır. Bunu etmək və zərbələri dayandırmaq üçün Rusiyaya təzyiq göstərməliyik”.
Xatırladaq ki, dünən gecə Rusiya qüvvələri Ukraynaya bir neçə istiqamətdən raket hücumları edib.
