F-16 və F-35 proqramı, ABŞ-nin Türkiyəyə ticarət sanksiyaları gündəmdə olub
Türkiyə Prezidenti Rəcəb Tayyib Ərdoğan və ABŞ Prezidenti Donald Tramp 6 il sonra Ağ Evdə görüşüb. 2 saat 20 dəqiqə davam edən görüşdə əsas mövzular F-16 və F-35 proqramı, ABŞ-nin Türkiyəyə ticarət sanksiyaları və Türkiyənin Rusiyadan neft məhsulları alması olub.
Sherg.az xəbər verir ki, görüşdən sonra Tramp “Möhtəşəm görüş idi” deyib. Ərdoğan isə iki ölkə arasında münasibətlərin inkişaf etdirilməsinə diqqət çəkib. Tramp CAATSA sanksiyalarının aradan qaldırıla biləcəyini bildirib və Qəzza məsələsində razılığa gəlinə biləcəyini qeyd edib.
Həmçinin Tramp, Ərdoğanın Suriyadakı siyasətini yüksək qiymətləndirib və bölgədə əməkdaşlığa hazır olduqlarını vurğulayıb.
