Ukrayna ABŞ ilə minerallar üzrə saziş bağlamağa hazırdır.
Trend xəbər verir ki, bunu Ukrayna prezidenti Volodimir Zelenski Böyük Britaniyada ukraynalı və britaniyalı jurnalistlərə açıqlamasında bildirib.
“Minerallar üzrə saziş hazırdır. Sənədin yekun variantı hazırdır, nazirlər onu imzalaya bilərlər. Biz geri çəkilmirik. Bizim siyasət – məntiqli olmaqdan ibarətdir. Daha əvvəl nələrin baş verməsindən asılı olmayaraq, biz konstruktiv yanaşmanı qoruyub saxlayırıq. Bir halda ki, biz imzalanma ilə bağlı razılığa gəlmişik, biz öz tərəfimizdən buna hazırıq”, - deyə o bildirib.
Zelenski ABŞ ilə konstruktiv münasibətlərin istənilən formatına açıq olduğunu vurğulayıb.
“Bunların hamısı bizdə və əldə olunan nəticəni qoruyub saxlamağa gücümüz yetir. Biz buna ümid edirik. Masa üzərində duran saziş - bəli, tərəflər hazır olsalar, o imzalanacaq”, - deyə Ukrayna prezidenti bildirib.
