Avropa İttifaqının (Aİ) ticarət nazirləri ABŞ-nin elan etdiyi gömrük rüsumlarına cavab tədbirlərini təsdiqləmək üçün aprelin 7-də bir araya gələcək.
“Report” xəbər verir ki, bu barədə Aİ komissarı Maroş Şevçoviç məlumat verib.
“Bu cavab tədbirləri ilə bağlı məsləhətləşmələr artıq başa çatıb və aprelin 7-də Aİ ticarət nazirləri ilə növbəti addımı müzakirə edəcəyəm, səsvermənin isə iki gün sonra keçiriləcəyi gözlənilir”, – o deyib.
Xatırladaq ki, bir müddət əvvəl ABŞ Prezidenti Donald Tramp ABŞ-nin digər ölkələrdən gələn bütün mallara rüsumları artıracağını açıqlamışdı. Baza rüsum dərəcəsi 10 % olacaq. Çin üçün tariflər 34 %, Tayvan üçün 23 %, Aİ ölkələri üçün 20 %, Böyük Britaniya üçün 10% olacaq. Tramp bu cür tədbirləri ABŞ-nin ticarət balansını tarazlaşdırmaq zərurəti ilə izah edib.
