Avstriyanın Qrats şəhərində məktəbdə atəş açan 21 yaşlı Arturun atası Ermənistandan gəlmədir.
“Report”un məlumatına görə, bu barədə yerli "Kronen Zeitung" qəzeti yazır.
O, avstriyalı anası ilə yaşayırdı. Artur həmin məktəbin keçmiş məzunudur. O, anasına onu bağışlamasını xahiş edən bir video göndərib, vida məktubunda isə məktəbdə baş verən təhqirlərdən bəhs edib.
Avstriya polisi axtarış zamanı evdə əldəqayırma partlayıcı qurğu aşkar edib.
Qeyd edək ki, baş verən atışma ilə əlaqədar ölkədə üçgünlük milli matəm elan edilib. Hadisə nəticəsində 10 nəfər ölüb.
