Avropa İttifaqına üzv olan və olmayan ölkələrin bir araya gəldiyi Avropa Siyasi Birliyinin 6-cı zirvəsi Albaniyada keçirilir.
Sherg.az xəbər verir ki, Tiranada keçirilən Avropa Siyasi Birliyi Zirvəsində iştirak edən dövlət başçılarını Albaniya Baş naziri Edi Rama qırmızı xalça üzərində qarşılayıb. Ramanın idman ayaqqabısı geyinməsi Türkiyə Prezidenti Rəcəb Tayyib Ərdoğanın diqqətindən yayınmayıb və həmin anlar kameralar tərəfindən qeydə alınıb.
Ramanın rəsmi tədbirlərdə də idman ayaqqabısı geyinməsi onun bəlli xüsusiyyətlərindəndir.
Prezident Ərdoğan zirvədən gözləntiləri ilə bağlı jurnalistlərin suallarını cavablayarkən deyib:
“Zirvədən çox şey gözləyirik. Albaniyada bütün dünyaya sülh mesajı verəcəyik.”
Liderlər qitəni maraqlandıran aktual məsələləri müzakirə edəcəklər.
Bu çərçivədə üç ayrı dəyirmi masa toplantısı keçiriləcək. Tiranada zirvə sessiyalarında iştirak edəcək Prezident Ərdoğan ikitərəfli görüşlər də keçirəcək.
Edi Ramanın İtaliya Baş naziri Corcia Melonini qarşılaması da zirvədə diqqət çəkdi.
Rama bütün liderləri olduğu kimi, İtaliya Baş naziri Melonini də qırmızı xalça üzərində qarşılayıb.
Lakin əlindəki çətiri bir kənara qoyaraq diz çökən Edi Rama, Melonini bu şəkildə qarşılayıb.
Daha sonra iki baş nazir səmimi şəkildə qucaqlaşaraq kameralara poza verdibər.
