Türkiyənin Milliyyətçi Hərəkat Partiyasının (MHP) sədri Dövlət Baxçalının vəfati ilə bağlı xəbər təkzib edilib.
Teleqraf xəbər verir ki, bu barədə MHP sədrinin müavini İzzettin Ülvi Yönter açıqlama verib.
Partiya rəsmisi Baxçalının səhhətinin yaxşı olduğunu vurğulayıb.
MHP sədri ilə telefonla danışdığını bildirən Yönter deyib:
“Hörmətli sədrimizlə telefonla danışdım, tapşırıqlarını aldım. Rəhbərimlə hər gün görüşən biri kimi açıq şəkildə bildirirəm ki, yayılan neqativ xəbərlərin hamısı yalan və uydurmadır”.
Müxalif Gələcək Partiyasının Trabzon təşkilatının sədri Hasan Kamil Vəlioğlu bundan əvvəl Baxçalının ölümü ilə bağlı sosial mediada paylaşım etmişdi.
MHP liderinin vəfat etdiyini iddia edən Vəlioğlu yazmışdı: “Dövlət Baxçalı az öncə vəfat etdi. Hələlik rəsmi açıqlama olmasa da, yaxın zamanda açıqlanacaq. Bütün MHP təşkilatlarına başsağlığı verirəm”.
