İkinci dəfə İmralı adasına gedən DEM Partiyasının heyəti terrorçuların lideri Abdullah Öcalanla görüşür.
Sherg.azxəbər verir ki, DEM Partiyası İmralı nümayəndə heyəti terror təşkilatı PKK-nın lideri Abdullah Öcalanla ikinci dəfə görüşmək üçün Ədliyyə Nazirliyinə müraciət etmişdi.
Nazirliyin təsdiqindən sonra heyət bu gün İmralı adasına gedib və terrorçuların lideri Öcalanla ikinci dəfədir görüşür.
Nümayəndə heyətinə əvvəlki iclasda da iştirak edən DEM Partiyasının İstanbul Millət vəkili Sırrı Süreyya Öndər və Van Millət vəkili Pervin Buldan daxildir.
DEM Partiyasından verilən açıqlamada İmralı heyətinin bu gün yenidən İmralı adasına gedəcəyi və “Görüş heyəti əvvəlki heyətlə eynidir” ifadəsi işlədilib.
Öcalanla görüşdən sonra heyətdən yazılı açıqlama gözlənilir.
Sonuncu dəfə 28 dekabr 2024-cü ildə İmralıya gedən nümayəndə heyəti görüşdən sonra 7 siyasi partiya ilə görüşlər keçirib.
Daha sonra nümayəndə heyəti hazırda həbsdə olan HDP-nin keçmiş həmsədrləri Səlahəddin Dəmirtaş və Figen Yüksekdağla görüşüb.
Nümayəndə heyəti səfərlərdən sonra yazılı açıqlama verərək, danışıqların "ümidverici" olduğunu və "həll üçün ortaq iradənin" olduğunu bildirib.
