ABŞ Prezidenti Donald Tramp ilə pedofili milyarder Cefri Epşteyn arasındakı münasibətlərə dair FTB-yə edilmiş iddialı məlumatları əks etdirən bəzi sənədlərin əvvəlcə yayımlandığı, daha sonra isə silindiyi irəli sürülüb.
Sherg.az-ın məlumatına görə, "The Washington Post" yazır ki, bu dosyalar FTB-in Trampın 2000-ci illərin əvvəllərində Epşteyn və onun mülklərində təşkil olunan tədbirlərlə bağlı əlaqələri barədə bir neçə məlumat aldığını göstərir. Qəzet iddia edir ki, Epşteyn işinə aid sənədlər ABŞ Ədliyyə Nazirliyinin saytında bir neçə saat açıq olub, daha sonra isə silinib, lakin redaksiya bütün materialları yükləyə bilib.
Sənədlərdə bu məlumatlar üzrə istintaq aparılıb-aparılmadığı və ya iddiaların təsdiqlənib-təsdiqlənmədiyi barədə məlumat yoxdur. Dosyelərdə Trampın Epşteynin təyyarəsi ilə neçə dəfə uçduğuna dair qeydlər də yer alır; həmin uçuşlardan birində yalnız Tramp, Epşteyn və 20 yaşlı bir qadının olduğu qeyd edilir.
Materiallarda həmçinin Epşteynin psixoloji durumu ilə bağlı həbsxana rəhbərliyi arasındakı yazışmalar və ölümündən təxminən iki həftə əvvəl onun ayrıca kamerada saxlanılması məsələsinin müzakirəsi də yer alır.
Ədliyyə Nazirliyi və Ağ Ev sənədlərin niyə yayımlandıqdan sonra silindiyinə dair suala cavab verməyib. Qeyd olunur ki, Trampa aid bütün materialların zamanla açıqlanacağı bildirilmişdi.
