Ermənistanın Milli Təhlükəsizlik Xidmətinin sabiq direktoru Artur Vanetsyan sərbəst buraxılıb və məhkəmə zalını tərk edib.
Trend-in "TASS"a istinadən verdiyi məlumata görə, daha əvvəl MTX-nin sabiq direktoru hakimiyyəti ələ keçirmək niyyəti və ölkənin baş naziri Nikol Paşinyana sui-qəsd hazırlanmasında ittiham edilib.
XXX
21:28
Ermənistanın Milli Təhlükəsizlik Xidmətinin sabiq direktoru Artur Vanetsyana qarşı iki maddə üzrə ittiham irəli sürülüb.
Trend-in "Gazeta.ru"ya istinadən verdiyi məlumata görə, bu barədə MTX-nin sabiq direktorunun vəkili Ervand Varosyan bildirib.
E.Varosyan deyib: "A.Vanetsyanın saxlanılmasının qanunsuz olduğunu başa düşən istintaq tələsik olaraq ona qarşı iki maddə üzrə ittiham irəli sürülüb".
Onun sözlərinə görə, MTX-nin sabiq direktoru hakimiyyəti ələ keçirmək niyyəti və N.Paşinyana sui-qəsd hazırlanmasında ittiham edilib.
