İranın Milli Təhlükəsizlik Ali Şurasının Baş Katibi Ali Laricani ABŞ Prezidenti Donald Trampın əməliyyatların nəticələrinə görə cavab verməli olduğunu bildirib.
Sherg.az xəbər verir ki, Laricani əlavə edərək deyib:
“Tramp bu işdən kənarda qala bilməz, bədəlini ödəməlidir. Liderimizi və xalqımızı şəhid etdi. Sonuna qədər davam edəcəyik.”
Laricani həmçinin bəzi ABŞ əsgərlərinin əsir götürüldüyünü, 5-6 əsgərin öldüyünə dair açıqlamaların isə yalan olduğunu qeyd edib. O bildirib ki, İran bölgədəki ABŞ bazalarına hücumlara cavab verməyə davam edəcək və region ölkələri ABŞ-nin bazalardan istifadə etməsinə imkan verməməlidir.
ABŞ Mərkəzi Komandanlığı (CENTCOM) isə heç bir əsgərin əsir götürülmədiyini açıqlayıb.
