Fransa Prezidenti Emmanuel Makron ABŞ-ın bəzi müttəfiqlərinə arxasını çevirdiyini bildirib.
Sherg.az xəbər verir ki, Parisdə başlayan Böyükelçilər Konfransında çıxış edən Makron deyib ki, “Çox tərəfli institutlar getdikcə daha az effektiv işləyir.”
O, vurğulayıb ki, dünya böyük güclərin paylaşmaq istədiyi bir məkana doğru gedir: “ABŞ mövcud bir gücdür, amma bəzi müttəfiqlərinə arxasını döndərir və yaxın keçmişdə hələ qoruduğu beynəlxalq qaydaları pozur.”
O, həmçinin Çin və ABŞ-ın beynəlxalq arenada daha aqressiv davrandığını, Rusiyanın isə dünyada “sabitliyi pozan güclərdən” biri olduğunu qeyd edib.
Makron əlavə edib: “Dünyada açıq şəkildə yeni neo-kolonializm prosesi gedir. Fransızlar və Avropalılar artıq praktikada öz real vəziyyətləri ilə uyğun olmayan əks ritorika ilə qarşılaşırlar. Biz yeni neo-kolonializm, yeni imperializmi, asılılığı və məğlubiyyəti qəbul etmirik.”
Prezident vurğulayıb ki, Avropa ABŞ və Çin qarşısında daha az asılı olaraq doğru istiqamətdə irəliləyir və qlobal idarəçiliyin islahı üçün təşəbbüslər görülməlidir. “Hər gün insanlar özlərinə sual verirlər: ‘Əgər Qrenlandiya işğal edilərsə? Kanada 51-ci əyalət olmaq təhlükəsi ilə üzləşsə? Ya da Tayvan daha çox əhatəyə alınsa?’” - deyə o qeyd edib.
