30 günlük atəşkəslə bağlı razılığa gəlmək üçün Rusiya və Ukrayna arasında birbaşa dialoqa başlamaq lazımdır.
Teleqraf xəbər verir ki, bunu Kiyevdə səfərdə olan Fransa Prezidenti Emmanuel Makron deyib.
“Əgər 30 günlük atəşkəsdən danışırıqsa, o zaman Ukrayna və Rusiya arasında birbaşa danışıqlara başlamalıyıq. Biz kömək etməyə hazırıq. Amma atəşkəsə əməl etməsəniz, əlavə sanksiyalar olacaq. Düşünürəm ki, nəticə əldə edə bilərik”, - Fransa lideri bildirib.
Xatırladaq ki, Makron Almaniya Kansleri Fridrix Merts, Böyük Britaniya Baş naziri Kir Starmer və Polşa Baş naziri Donald Tusk ilə birlikdə mayın 10-da Avropa İttifaqının ABŞ kimi öz atəşkəs təşəbbüsü ilə çıxış etmək niyyətində olduqları barədə xəbərlər fonunda mayın 10-da Kiyevə gəlib.
