İngiltərə mediasında yer alan xəbərlərə görə, Fransa Prezidenti Emmanuel Makronun həyat yoldaşı Briqit Makronun rəsmi səfərlər zamanı bu qədər “sakit” görünməsinin səbəbi onun yaşadığı bir itki ilə bağlıdır.
Sherg.az xəbər verir ki, Fransa Prezidenti Emmanuel Makronun İngiltərəyə etdiyi səfər zamanı təyyarədən enərkən arvadına kömək məqsədilə əlini uzatması, lakin Briqit Makronun onu görməzdən gəlməsi İngiltərə mediasının diqqətini çəkib.
Briqit Makronun bir neçə həftə əvvəl hava limanında təyyarədə Makronun üzünə əllə vurduğu görüntülərin yayımlanmasından sonra baş verən bu son hadisə, birinci xanımın yaşadığı bir itki səbəbilə “durgun” olmasına bağlanır.
Səfər matəm dövrünə təsadüf etsə də, vəzifəsini yerinə yetirmək istədi
Mirror qəzetinin xəbərinə görə, Briqit Makronun bacısı Anne-Mari Troqnyö cütlüyün İngiltərə səfərindən təxminən bir həftə əvvəl vəfat edib. Buna baxmayaraq, birinci xanım həyat yoldaşının Londona tək getməsini istəməyib.
Xəbərdə bildirilir ki, bu səbəbdən Briqit Makronun “rəsmi səfər zamanı sakit və durğun göründüyü” ifadə olunub. Anne-Mari Troqnyö ötən çərşənbə axşamı Fransanın şimalındakı Amiens şəhərindəki ailə evində dünyasını dəyişib. Briqit Makron daha əvvəl də 27 yaşlı bacısı Marivon Troqnyönü yol qəzasında itirmişdi.
"Mail Online" saytına danışan, adı açıqlanmayan bir mənbə bildirib:
“Cütlüyə yaxın bir şəxs bu gün bizə Briqit Makronun bu qədər durğun və həyat yoldaşına qarşı soyuq davranmasının əsas səbəbinin bu olduğunu söylədi. Makron bacısını çox sevirdi; bu itki onu dərin sarsıtdı”.
İngiltərə mediasına danışan həmin mənbənin verdiyi məlumata görə, Briqit Makron səfərin matəm dövrü ilə üst-üstə düşməsinə baxmayaraq, İngiltərədə olmağın bir vəzifə olduğunu qəbul edərək həyat yoldaşına səfər zamanı yoldaşlıq edib.
