Türkiyə Prezidenti Rəcəb Tayyib Ərdoğanın rəhbərliyi ilə AKP-nin Türk Dövlətləri ilə Əlaqələr İdarəsi tərəfindən Haliç Konqres Mərkəzində Novruz proqramı təşkil edilib. Proqram çərçivəsində Prezident Ərdoğan Novruz tonqalını alovlandırıb. Türkiyə prezidenti Rəcəb Tayyib Ərdoğan Haliç Konqres Mərkəzində təşkil edilən Novruz proqramında çıxış edib. Ərdoğan çıxışında 21 mart tarixinin bayram elan edilməsini təklif edib: “21 mart bahar və qardaşlıq bayramı olsun”.
Politoloq Zeynal Əmralıyev "Sherg.az"a açıqlamasında deyib ki, Novruzu milli bayram elan etmək yaxşı gediş idi.
Ekspert vurğulayıb ki, Türkiyədə Novruzu əsasən kürdlər keçirirdi:
"Dünən DEM Partiyası CHP ilə birlikdə hərəkət edəcəyi barədə açıqlama vermişdi. Ərdoğan Novruzu milli bayram elan etdi. Bundan sonra ehtimal ki, Demirtaş qanadı ilə danışıqlar başlayacaq. Səlahəddin Demirtaş həbsə də olsa DEM Partiya içində nüfuzu güclüdür. Əkrəm İmamoğlunu 201-da Binəli Yıldırım qarşısında qalib gəlməsindən məhz Dəmirtaşın dəstəyinin xüsusi rolu olmuşdu. Siyasi kürd partiyası son illər İstanbulda güclənib. Bu şəhərdən deputat sayını da artırıblar. Əgər AK Partiya bu dəstəyi CHP əlindən ala bilsə, həm mitinqlərdə əhalinin sayını azalda bilər, həm də növbəti bələdiyyə seçkisində CHP-nin əlindən İstanbulu ala bilər. Ərdoğan bu gün gözəl gediş etdi. Zamanlama da çox diqqətçəkicidir. Ehtimal ki, yaxında həbsdə olan Səlahəddin Demirtaşla da danışıqlar başlayacaq".
