Polşa NATO-nun şərq cinahını qorumaqla və Kiyevə maddi-texniki dəstək verməklə məşğul olduğu üçün Ukraynaya qoşun yeritməyə hazırlaşmır.
Teleqraf xəbər verir ki, bu barədə jurnalistlərə Polşa Müdafiə Nazirliyinin rəhbəri Vladislav Kosiniyak-Kamış məlumat verib.
"Biz Polşa əsgərlərini Ukraynaya göndərməyi planlaşdırmırıq və belə bir missiyaya da hazırlaşmırıq. Bu, Polşanın dəqiq mövqeyidir. Bizim vəzifəmiz fərqli rol oynamaqdır - logistik dəstək vermək və NATO-nun şərq cinahını gücləndirmək", - o belə deyib.
