Ermənistan Baş Prokurorluğu Korrupsiyaya Qarşı Mübarizə Məhkəməsinin keçmiş prezident Serj Sarkisyanın ölkədən kənara çıxışına imkan verən qərardan apellyasiya şikayəti verəcək.
Teleqraf xəbər verir ki, bu barədə Ermənistan Respublikasının Baş Prokurorluğu məlumat verib və əlavə edib ki, məhkəmə aktını aldıqdan sonra Baş Prokurorluq apellyasiya şikayəti verəcək.
Qeyd edək ki, Ermənistanın Korrupsiyaya Qarşı Mübarizə Məhkəməsi Serj Sarkisyana qarşı başlanan cinayət işi çərçivəsində tətbiq edilən ölkədən çıxış qadağasını ləğv edib.
