Rusiya aviasiyası Ukraynanın aviasiya müəssisəsini vurdu
Rusiya Müdafiə Nazirliyinin məlumatına görə, son sutka ərzində Rusiya aviasiyası və artilleriyası Ukraynanın hərbi-sənaye kompleksinə aid olan bir aviasiya müəssisəsinə, hərbi aerodromun və su limanının infrastrukturuna, zirehli texnikaların təmiri və pilotsuz uçuş aparatlarının yığılması sexlərinə, həmçinin sursat və raket anbarlarına zərbələr endirib.
Sherg.az"RİA Novosti" yə istinadən xəbər verir ki, nazirliyin açıqlamasında deyilir:
“Rusiya Silahlı Qüvvələrinin əməliyyat-taktiki aviasiyası, zərbə PUA-ları, raket qoşunları və artilleriyası tərəfindən Ukraynanın hərbi-sənaye kompleksinə daxil olan aviasiya müəssisəsinə, Ukrayna Silahlı Qüvvələrinin hərbi aerodrom və hidroliman infrastrukturuna, zirehli texnikaların təmir sexlərinə, PUA yığımı sexlərinə, raket və sursat anbarlarına, eləcə də 153 müxtəlif bölgədə müvəqqəti yerləşdirilmiş Ukrayna hərbi birləşmələrinə zərbələr endirilib.”
Açıqlamada həmçinin qeyd olunur ki, hava hücumundan müdafiə vasitələri ABŞ istehsalı olan 6 ədəd JDAM idarə olunan aviasiya bombası, HIMARS reaktiv yaylım atəşi sistemindən atılmış 5 raket və 154 ədəd təyyarə tipli pilotsuz uçuş aparatını vurub.
